ഒരു ഘട്ടത്തില്‍ 151/2 എന്ന നിലയില്‍ ശക്തമായ സ്കോറിലേക്ക് നീങ്ങുമെന്ന തോന്നിപ്പിച്ച ബംഗ്ലാദേശിന് 100 റണ്‍സ് കൂട്ടിചേര്‍ക്കുന്നതിനിടയില്‍ 8 വിക്കറ്റ് കൂടി നഷ്ടം. 242 റണ്‍സ് ലീഡ് ആണ് ബംഗ്ലാദേശിനെതിനെ 251 റണ്‍സിന് ഓള്‍ഔട്ട് ആക്കി ശ്രീലങ്ക നേടിയത്.
അരങ്ങേറ്റക്കാരന്‍ പ്രവീണ്‍ ജയവിക്രമയുടെ തകര്‍പ്പന്‍ ബൗളിംഗ് പ്രകടനം ആണ് മത്സരത്തില്‍ ശ്രീലങ്കയ്ക്ക് മുന്‍തൂക്കം നേടിക്കൊടുത്തത്. 6 വിക്കറ്റാണ് താരം നേടിയത്. 92 റണ്‍സ് നേടിയ തമീം ഇക്ബാലാണ് ബംഗ്ലാദേശിന്റെ ടോപ് സ്കോറര്‍.
ബംഗ്ലാദേശിനെ ഫോളോ ഓണിന് വിധേയരാക്കാമായിരുന്നുവെങ്കിലും അതിന് മുതിരാതെ രണ്ടാം ഇന്നിംഗ്സ് ബാറ്റിംഗ് തുടങ്ങുവാന്‍ ലങ്ക തീരുമാനിക്കുകയായിരുന്നു.
