സറേയുമായി മൂന്ന് വര്ഷത്തെ കരാറില് ഒപ്പിട്ട് ഇംഗ്ലീഷ് ഓള്റൗണ്ടര് ലിയാം പ്ലങ്കറ്റ്. നിലവില് യോര്ക്ക്ഷയറിനു വേണ്ടി കളിക്കുന്ന താരം ഈ സീസണ് അവസാനത്തോടെ കൗണ്ടിയോട് വിട പറയും. ഐപിഎല് 2018ല് കാഗിസോ റബാഡയ്ക്ക് പകരക്കാരനായി താരത്തെ തിരഞ്ഞെടുത്തിനെത്തുടര്ന്ന് യോര്ക്ക്ഷയര് മാനേജ്മെന്റുമായി അഭിപ്രായ വ്യത്യാസങ്ങള് ഉടലെടുത്തിരുന്നു. മറ്റൊരു യോര്ക്ക്ഷയര് താരം ഡേവിഡ് വില്ലിയും ഐപിഎല് കളിക്കുന്നതിനു മുന്ഗണന നല്കിയതോടെ തങ്ങള്ക്ക് അവസാന നിമിഷം പകരക്കാരെ കണ്ടെത്തുന്നതിനു കൗണ്ടിയ്ക്ക് ബുദ്ധിമുട്ട് വരികയും ഇതിനെത്തുടര്ന്ന് താരങ്ങളുമായി അസ്വാരസ്യങ്ങള് ഉടലെടുക്കുകയുമായിരുന്നു.
അതേ സമയം ഡേവിഡ് വില്ലിയുടെ കരാര് യോര്ക്ക്ഷയര് പുതുക്കി നല്കിയപ്പോള് ലിയാം പ്ലങ്കറ്റിനു കരാര് പുതുക്കേണ്ടതില്ലെന്ന് കൗണ്ടി തീരുമാനിക്കുകയായിരുന്നു.
