2020-21 സീസണിലേക്കുള്ള പാക് താരങ്ങളുടെ കേന്ദ്ര കരാര് നാളെ പ്രഖ്യാപിക്കും. ടെസ്റ്റ് ക്രിക്കറ്റിന് പ്രാമുഖ്യം നല്കി കൂടുതല് വേതനം ആ ഗണത്തിലുള്ളവര്ക്ക് നല്കുമെന്നാണ് കരുതപ്പെടുന്നത്. പാക്കിസ്ഥാന് മുഖ്യ കോച്ചും ചീഫ് സെലക്ടറുമായ മിസ്ബ ഉള് ഹക്ക് തന്റെ നിര്ദ്ദേശങ്ങളടങ്ങിയ പട്ടിക പാക്കിസ്ഥാന് ബോര്ഡ് ചെയര്മാന് കൈമാറിയെന്നാണ് അറിയുന്നത്.
ടെസ്റ്റ് ക്രിക്കറ്റില് നിന്ന് വിരമിക്കല് തീരുമാനം പ്രഖ്യാപിച്ച മുഹമ്മദ് അമീര്, വഹാബ് റിയാസ് എന്നിവരെ തരം താഴ്ത്തുമെന്നാണ് പ്രതീക്ഷിക്കപ്പെടുന്നത്. സമാനമായ രീതിയില് മുന് നായകന് സര്ഫ്രാസ് അഹമ്മദിനും തന്റെ കരാര് നഷ്ടമായേക്കുമെന്നാണ് പ്രതീക്ഷിക്കുന്നത്. യസീര് ഷായും ബാബര് അസമും മാത്രണാണ് എ വിഭാഗം കരാറിന് കഴിഞ്ഞ തവണ അര്ഹരായത്.
