ദക്ഷിണാഫ്രിക്കയ്ക്കെതിരെ നാളെ ആരംഭിക്കുവാനിരിക്കുന്ന ആദ്യ ടെസ്റ്റ് മത്സരത്തില്‍ പേസ് ബൗളര്‍ മുഹമ്മദ് അബ്ബാസ് കളിയ്ക്കില്ലെന്ന് വ്യക്തമാക്കി പാക്കിസ്ഥാന്‍. ന്യൂസിലാണ്ട് പരമ്പരയിലെ മൂന്നാം ടെസ്റ്റിനു മുമ്പ് പരിക്കേറ്റ താരം ഇതുവരെ മാച്ച് ഫിറ്റ് ആകുവാന്‍ സാധിച്ചിട്ടില്ലെന്നാണ് ഇന്നലെ നടത്തിയ പത്ര സമ്മേളനത്തില്‍ പാക്കിസ്ഥാന്‍ നായകന്‍ സര്‍ഫ്രാസ് ഇത് അറിയിക്കുകയായിരുന്നു. ലെഗ് സ്പിന്നര്‍ ഷദബ് ഖാനും ടീമിനു വേണ്ടി ആദ്യ മത്സരത്തില്‍ കളിക്കില്ല. താരവും പരിക്കിനെത്തുടര്‍ന്നാണ് കളത്തിനു പുറത്തിരിക്കുന്നത്.
അതേ സമയം ഓപ്പണര്‍ ഫകര്‍ സമന്‍ പരിക്ക് ഭേദമായി തിരികെ ടീമിലെത്തുമെന്നാണ് അറിയുന്നത്. ഷദബ് ഖാനും മുഹമ്മദ് അബ്ബാസും രണ്ടാം ടെസ്റ്റില്‍ കളത്തിലിറങ്ങുമെന്നാണ് പ്രതീക്ഷിക്കപ്പെടുന്നത്.
