പാക്കിസ്ഥാന്‍ ക്രിക്കറ്റ് ടീം എത്രയും വേഗം ഇംഗ്ലണ്ടിലേക്ക് യാത്രയാകുന്നതാകും നല്ലതെന്ന് പറഞ്ഞ് മുന്‍ വിന്‍ഡീസ് താരം മൈക്കല്‍ ഹോള്‍ഡിംഗ്. പാക്കിസ്ഥാനില്‍ സ്ഥിതി തീര്‍ത്തും മോശമാണെന്നും ഇംഗ്ലണ്ടില്‍ എത്തുകയാണെങ്കില്‍ അവര്‍ക്ക് ബയോ സുരക്ഷിതമായ അന്തരീക്ഷത്തില്‍ സുരക്ഷിതമായി ഇരിക്കാമെന്നും ഹോള്‍ഡിംഗ് പറഞ്ഞു.
കഴിഞ്ഞ രണ്ട് ദിവസങ്ങളിലായി പത്തോളം പാക് താരങ്ങളെയൊണ് കോവിഡ് പോസിറ്റീവ് ആയി സ്ഥിരീകരിച്ചത്. ഇപ്പോള്‍ ടീം ആദ്യം പ്രഖ്യാപിച്ച 29 അംഗ സ്ക്വാഡില്‍ 10 പേര്‍ക്ക് കോവിഡ് ആണെന്ന് കണ്ടെത്തിയിട്ടുണ്ട്. അതില്‍ ഹഫീസ് സ്വയം പരിശോധന നടത്തി താന്‍ കോവിഡ് അല്ലെന്നും ട്വിറ്ററിലൂടെ പുറത്ത് വിട്ടു.
ഇന്ന് ഒരു തവണ കൂടി താരങ്ങളുടെയെല്ലാം പരിശോധന ബോര്‍ഡ് നടത്തുമെന്നാണ് അറിയുന്നത്.
