വനിതാ ഏഷ്യാ കപ്പിൽ പാകിസ്താന് വിജയ തുടക്കം. ഇന്ന് ആദ്യ മത്സരത്തിൽ മലേഷ്യ വനിതകളെ നേരിട്ട പാകിസ്താൻ ഒമ്പത് വിക്കരിന്റെ വിജയമാണ് നേടിയത്. ആദ്യം ബാറ്റു ചെയ്ത മലേഷ്യക്ക് 20 ഓവറിൽ ആകെ 57-9 റൺസ് എടുക്കാനെ ആയുള്ളൂ. പാകിസ്താന് വേണ്ടി ഒമൈമ സുഹൈൽ മൂന്ന് വിക്കറ്റും തുബ ഹസൻ 2 വിക്കറ്റും വീഴ്ത്തി. ഡിയാന, സാദിയ എന്നിവർ ഒരോ വിക്കറ്റും വീഴ്ത്തി.
പാകിസ്താൻ ഒരു വിക്കറ്റ് മാത്രം നഷ്ടത്തിൽ 9 ഓവറിലേക്ക് വിജയ ലക്ഷ്യം മറികടന്നു. 21 റൺസുമായി മുനീബ അലിയും 31 റൺസുമായി അമീനും പെട്ടെന്ന് വിജയത്തിലേക്ക് ടീമിനെ എത്തിച്ചു.
