ലാഹോറിലെ ഗദ്ദാഫി സ്റ്റേഡിയത്തിൽ നടക്കുന്ന, പാകിസ്ഥാൻ ന്യൂസിലൻഡ് ടി20 പരമ്പരയിലെ മൂന്നാം ടി20യിൽ, ആദ്യം ബാറ്റു ചെയ്ത ന്യൂസിലൻഡ് പാക്കിസ്ഥാന് മുന്നിൽ 164 റൺസ് എന്ന വിജയലക്ഷ്യം ഉയർത്തി. ടോസ് നേടിയ ന്യൂസിലൻഡ് ആദ്യം ബാറ്റിംഗ് തിരഞ്ഞെടുക്കുകയായിരുന്നു.
49 പന്തിൽ 7 ബൗണ്ടറിയും 2 സിക്‌സും സഹിതം 64 റൺസെടുത്ത ടോം ലാഥമാണ് ന്യൂസിലൻഡ് നിരയിൽ ഏറ്റവും തിളങ്ങിയത്. ഡാരിൽ മിച്ചലും 26 പന്തിൽ 33 റൺസ് എടുത്തു. വേറെ ആർക്കും കാര്യനായി തിളങ്ങാൻ ആയില്ല. പാക്കിസ്ഥാനു വേണ്ടി ഷഹീൻ അഫ്രീദിയും ഹാരിസ് റൗഫും 2 വിക്കറ്റ് വീതം വീഴ്ത്തി.
ഇന്ന് ജയിച്ചാൽ പാകിസ്താന് പരമ്പര സ്വന്തമാക്കാം. ആദ്യ രണ്ട് ടി0യും പാകിസ്താൻ വിജയിച്ചിരുന്നു.
