ബംഗ്ലാദേശും ഇന്ത്യയും തമ്മിലുള്ള ആദ്യ ടെസ്റ്റ് നടക്കുന്ന ചട്ടോഗ്രാം ബാറ്റിംഗ് പറുദീസയായാണ് വിശേഷിപ്പിക്കുന്നത്. ഇന്ത്യയെ പോലെ കരുതുറ്റ ബാറ്റിംഗ് നിരയെ നേരിടുമ്പോള് ബംഗ്ലാദേശ് ബൗളര്മാര്ക്ക് ക്ഷമ ആവശ്യമായി വരുമെന്നാണ് ബംഗ്ലാദേശ് പേസര് ടാസ്കിന് അഹമ്മദ് തന്റെ ടീമംഗങ്ങള്ക്ക് നൽകിയ ഉപദേശം.
ഫാസ്റ്റ് ബൗളര്മാര്ക്ക് ചട്ടോഗ്രാമിൽ യാതൊരു പിന്തുണയുമില്ലെന്നും തീര്ത്തും ഒരു ബാറ്റിംഗ് ട്രാക്കാണ് ഇവിടെയുള്ളതെന്നും ബംഗ്ലാദേശ് താരം പറഞ്ഞു. ബൗളര്മാര് റൺസ് ലീക്ക് ചെയ്യുമെന്നും ന്യൂ ബോളിൽ സ്വിംഗും ഓള്ഡ് ബോളിൽ റിവേഴ്സ് സ്വിംഗും ശ്രമിക്കകുയാണ് ബംഗ്ലാദേശ് പേസര്മാര് ലക്ഷ്യം വയ്ക്കേണ്ടതെന്നും താരം വ്യക്തമാക്കി.
