ക്രൈസ്റ്റ്ചര്‍ച്ചിൽ ദക്ഷിണാഫ്രിക്കയുടെ നില പരുങ്ങലിൽ. ന്യൂസിലാണ്ടിന്റെ ഒന്നാം ഇന്നിംഗ്സ് 482 റൺസിൽ അവസാനിച്ചപ്പോൾ രണ്ടാം ഇന്നിംഗ്സിൽ ദക്ഷിണാഫ്രിക്കയ്ക്ക് 3 വിക്കറ്റാണ് നഷ്ടമായത്. രണ്ടാം ദിവസം അവസാനിക്കുമ്പോൾ ദക്ഷിണാഫ്രിക്ക 34/3 എന്ന നിലയിലാണ്. ഇന്നിംഗ്സ് തോൽവി ഒഴിവാക്കുവാന്‍ ദക്ഷിണാഫ്രിക്ക 353 റൺസ് കൂടി നേടേണ്ടതുണ്ട്.
22 റൺസുമായി ടെംബ ബാവുമയും 9 റൺസ് നേടി റാസ്സി വാന്‍ ഡെര്‍ ഡൂസ്സനുമാണ് ക്രീസിലുള്ളത്. ടിം സൗത്തി രണ്ടും മാറ്റ് ഹെന്‍റി ഒരു വിക്കറ്റും ആതിഥേയര്‍ക്കായി നേടി.
നേരത്തെ ന്യൂസിലാണ്ടിന്റെ ആദ്യ ഇന്നിംഗ്സിൽ ഹെന്‍റി നിക്കോള്‍സ് 105 റൺസും ടോം ബ്ലണ്ടൽ 96 റൺസും നേടിയപ്പോള്‍. നീൽ വാഗ്നർ(49), കോളിൻ ഡി ഗ്രാന്‍ഡോം(45) എന്നിവരും തിളങ്ങി.
പതിനൊന്നാമനായി ഇറങ്ങി പുറത്താകാതെ 58 റൺസ് നേടിയ മാറ്റ് ഹെന്‍റി ബാറ്റിംഗിലും മികവ് തെളിയിച്ചപ്പോൾ ന്യൂസിലാണ്ട് 482 റൺസ് നേടി. ഡുവാന്നെ ഒളിവിയർ മൂന്നും കാഗിസോ റബാഡ, മാര്‍ക്കോ ജാന്‍സന്‍, എയ്ഡന്‍ മാര്‍ക്രം എന്നിവര്‍ ദക്ഷിണാഫ്രിക്കയ്ക്കായി 2 വീതം വിക്കറ്റും നേടി.
