ന്യൂസിലൻഡും ഓസ്ട്രേലിയയും തമ്മിലുള്ള ഏകദിന പരമ്പരയിലെ ബാക്കി മത്സരങ്ങൾ ഉപേക്ഷിച്ചു. ന്യൂസിലൻഡിൽ എല്ലാവരും ഉടൻ തിരികെയെത്തണം എന്ന പ്രധാനമന്ത്രിയുടെ നിർദേശം പരിഗണിച്ചാണ് ന്യൂസിലൻഡ് ടീം മടങ്ങുന്നത്. കൊറോണ ഭീതി ന്യൂസിലൻഡിലും ഓസ്ട്രേലിയയിലും ഒക്കെ നിലനിൽക്കുന്ന സാഹചര്യത്തിലാണ് ഈ തീരുമാനം.
പരമ്പരയിലെ ആദ്യ ഏകദിനം കാണികൾ ഇല്ലാതെ നടന്നിരുന്നു. ഇനിയും രണ്ട് മത്സരങ്ങൾ ബാക്കി നിൽക്കെ ആണ് ന്യൂസിലൻഡ് ടീം മടങ്ങുന്നത്. മടങ്ങി എത്തുന്ന ടീം 16 ദിവസം സ്വയം ക്വാരന്റീൻ ചെയ്യേണ്ടി വരും. ഈ പരമ്പരയിലെ ബാക്കി മത്സരങ്ങൾ പിന്നീട് നടത്തുന്നത് ആലോചിക്കും എന്ന് ഓസ്ട്രേലിയൻ ക്രിക്കറ്റ് ബോർഡ് അറിയിച്ചു.
