ഓപ്പണിംഗ് സ്ഥാനത്തുള്ള ശിഖര് ധവാന്റെ പ്രകടനം നിരാശാജനകമെന്ന് അഭിപ്രായപ്പെട്ട് അജിത് അഗാര്ക്കര്. വിദേശ പിച്ചുകളില് താരം സ്ഥിരം പരാജയമാണെന്നും ഇന്ത്യയുടെ ടോപ് ഓര്ഡര് ബാറ്റിംഗ് ഇനിയും ഏറെ മെച്ചപ്പെടാനുണ്ടെന്ന് അജിത് അഗാര്ക്കര് പറഞ്ഞു. നാല് മത്സരങ്ങളില് നിന്ന് 162 റണ്സ് മാത്രമാണ് ശിഖര് ധവാന് നേടിയത്. രണ്ടാം ടെസ്റ്റില് നിന്ന് താരത്തിനെ ഒഴിവാക്കിയെങ്കിലും മറ്റൊരു ഓപ്പണര് മുരളി വിജയ്യുടെ ഫോമും പരിതാപകരമായതിനാല് ടീമിലേക്ക് ധവാന് മടങ്ങിയെത്തുാന് ഇടയാക്കി.
മികച്ച ബാറ്റിംഗ് ലൈനപ്പുള്ള ഇന്ത്യയില് നിന്ന് പ്രതീക്ഷിക്കുന്ന പ്രകടനമല്ല ഉണ്ടായിരിക്കുന്നതെന്നും അജിത് അഗാര്ക്കര് പറഞ്ഞു. അവസാന മത്സരത്തില് ശതകം നേടിയ കെഎല് രാഹുല് ഇന്ത്യയുടെ ഓപ്പണിംഗ് പ്രശ്നങ്ങള്ക്ക് പരിഹാരമാകുമെങ്കിലും തനിക്ക് ധവാനില് വിശ്വാസമില്ലെന്ന് അജിത് അഗാര്ക്കര് പറഞ്ഞു.
കോഹ്ലി, പുജാര, രഹാനെ തുടങ്ങിയവര് ഉള്പ്പെടുന്ന മധ്യനിര സുശക്തമാണെങ്കിലും ടോപ് ഓര്ഡര് ആണ് ഇന്ത്യയുടെ ഇപ്പോളത്തെ ബാറ്റിംഗ് ദൗര്ബല്യമെന്ന് അജിത് അഗാര്ക്കര് അഭിപ്രായപ്പെട്ടു.
