സൂര്യകുമാർ യാദവ് ഇനി ഐ പി എല്ലിൽ മാത്രമെ തിരിച്ചുവരികയുള്ളൂ. കണങ്കാലിനേറ്റ പരിക്ക് മൂലം അഫ്ഗാനിസ്ഥാനെതിരെ നടക്കാനിരിക്കുന്ന ടി20 ഐ പരമ്പര നഷ്ടമാകുന്ന ഇന്ത്യയുടെ ബാറ്റർക്ക് ഹെർണിയ ശസ്ത്രക്രിയ കൂടെ പിറകെ നടക്കും. അതിനാൽ ഐ പി എൽ വരെ താരം പുറത്താകും. ജർമ്മനിയിൽ വെച്ചാകും ശസ്ത്രക്രിയ നടക്കുക.
ഇപ്പോൾ ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ അദ്ദേഹം വിശ്രമത്തിലാണ്. രണ്ടോ മൂന്നോ ദിവസത്തിനുള്ളിൽ, ശസ്ത്രക്രിയയ്ക്കായി അദ്ദേഹം ജർമ്മനിയിലെ മ്യൂണിക്കിലേക്ക് പറക്കും. ഈ സീസണിൽ രഞ്ജി ട്രോഫിയിലും അദ്ദേഹം കളിക്കില്ല. ഐപിഎല്ലിൽ മുംബൈ ഇന്ത്യൻസിന്റെ പ്രാരംഭ മത്സരങ്ങളും അദ്ദേഹത്തിന് നഷ്ടമാകാൻ സാധ്യതയുണ്ട് എന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
