ലോക ടെസ്റ്റ് ചാമ്പ്യന്‍ഷിപ്പ് ഫൈനലിൽ രസംകൊല്ലിയായി മഴ. മത്സരത്തിന്റെ നാലാം ദിവസത്തെ ആദ്യ സെഷനും പൂര്‍ണ്ണമായി നഷ്ടപ്പെടുന്ന കാഴ്ചയാണ് സൗത്താംപ്ടണിൽ കാണാനായത്. മൂന്നാം ദിവസം കളി അവസാനിക്കുമ്പോള്‍ 49 ഓവറിൽ 2 വിക്കറ്റ് നഷ്ടത്തിൽ 101 റൺസാണ് ന്യൂസിലാണ്ട് നേടിയിട്ടുള്ളത്. കെയിന്‍ വില്യംസൺ(12*) , റോസ് ടെയിലര്‍(0*) എന്നിവരാണ് ന്യൂസിലാണ്ടിനായി ക്രീസിലുള്ളത്.
ടോം ലാഥം(30), ഡെവൺ കോൺവേ(54) എന്നിവരുടെ വിക്കറ്റാണ് ന്യൂസിലാണ്ടിന് നഷ്ടമായത്. അശ്വിനും ഇഷാന്ത് ശര്‍മ്മയുമാണ് ഇന്ത്യയ്ക്കായി വിക്കറ്റുകള്‍ നേടിയത്.
