പാക്കിസ്ഥാന്റെ രണ്ടാം ഇന്നിംഗ്സ് 186 റണ്‍സില്‍ അവസാനിച്ചപ്പോള്‍ ക്രൈസ്റ്റ്ചര്‍ച്ച് ടെസ്റ്റില്‍ ഇന്നിംഗ്സിന്റെയും 176 റണ്‍സിന്റെയും കൂറ്റന്‍ വിജയം നേടി ന്യൂസിലാണ്ട്. മത്സരത്തിന്റെ നാലാം ദിവസം കൈല്‍ ജാമിസണ്‍ ഇന്ന് നേടിയ അഞ്ച് വിക്കറ്റ് അടക്കം ഇന്നിംഗ്സില്‍ ആറ് വിക്കറ്റ് നേട്ടം സ്വന്തമാക്കിയതാണ് പാക്കിസ്ഥാന്റെ നടുവൊടിച്ചത്.
37 റണ്‍സ് നേടിയ അസ്ഹര്‍ അലിയും സഫര്‍ ഗോഹറും ആണ് ടീമിന്റെ ടോപ് സ്കോറര്‍മാര്‍. ആദിബ് അലി 26 റണ്‍സും ഫഹീം അഷ്റഫ് 28 റണ്‍സും നേടിയപ്പോള്‍ മറ്റാര്‍ക്കും ശ്രദ്ധേയമായ പ്രകടനം പുറത്തെടുക്കാനായില്ല.
