ഏകദിന ലോകകപ്പ് യോഗ്യതാ മത്സരത്തിൽ, ഗ്രൂപ്പ് എയിൽ നടന്ന പോരാട്ടത്തിൽ നേപ്പാളിനെതിരെ 8 വിക്കറ്റിന്റെ തകർപ്പൻ ജയത്തോടെ സിംബാബ്‌വെ. ഇന്ന് ആദ്യം ബാറ്റ് ചെയ്ത നേപ്പാൾ നിശ്ചിത 50 ഓവറിൽ 8 വിക്കറ്റ് നഷ്ടത്തിൽ 290 റൺസാണ് അടിച്ചുകൂട്ടിയത്. കുശാൽ ബുർടെലും ആസിഫ് ഷെയ്‌ഖുമാണ് നേപ്പാളിനായി ബാറ്റ് കൊണ്ട് തിളങ്ങിയത്. 95 പന്തിൽ 99 റൺസ് നേടിയ ഭുർട്ടൽ ടോപ് സ്കോറർ ആയി. 100 പന്തിൽ നിന്ന് 66 റൺസ് നേടിയ ആസിഫ് ഷെയ്ഖ് ഭുർട്ടലിന് പിന്തുണ നൽകി.
സിംബാബ്‌വെയുടെ ബൗളർമാർ 43 റൺസിന് 4 വിക്കറ്റ് വീഴ്ത്തിയ നഗാരവ ആണ് ഏറ്റവും തിളങ്ങിയത്. 42 റൺസ് വഴങ്ങി 2 വിക്കറ്റ് വീഴ്ത്തിയ വെസ്‌ലി മസകാഡ്‌സയും സിംബാബ്‌വെക്ക് ആയി തിളങ്ങി.
വിജയലക്ഷ്യം പിന്തുടർന്ന സിംബാബ്‌വെ 35 പന്തുകൾ ശേഷിക്കെ വിജയലക്ഷ്യത്തിലെത്തി. ക്യാപ്റ്റൻ ക്രെയ്ഗ് എർവിൻ ടോപ് സ്കോറർ ആയി. 128 പന്തിൽ നിന്ന് 121 റൺസ് നേടാൻ എർവിനായി. 70 പന്തിൽ നിന്ന് 102 റൺസ് നേടിയ ഷോൺ വില്യംസ് മിന്നുന്ന സെഞ്ച്വറി നേടി വിജയം എളുപ്പത്തിലാക്കി.
