ബംഗ്ലാദേശിന്റെ എക്കാലത്തെയും മികച്ച പേസര്‍ എന്ന നിലയില്‍ നിന്ന് ടെസ്റ്റ് ക്രിക്കറ്റ് കരാര്‍ നഷ്ടമാകുന്ന നിലയിലേക്ക് വീണ ഒരു താരമാണ് മുസ്തഫിസുര്‍ റഹ്മാന്‍. എന്നാല്‍ താന്‍ തന്റെ ടെസ്റ്റ് മോഹങ്ങള്‍ അവസാനിപ്പിച്ചിട്ടില്ലെന്നും ഇത്തരത്തില്‍ വരുന്ന വാര്‍ത്തകള്‍ അസത്യമാണെന്നും വ്യക്തമാക്കുകയായിരുന്നു മുസ്തഫിസുര്‍.
തനിക്ക് മൂന്ന് ഫോര്‍മാറ്റിലും കളിക്കണമെന്നും അതല്ല താന്‍ വൈറ്റ് ബോള്‍ ക്രിക്കറ്റ് മാത്രമേ കളിക്കുവാന്‍ ആഗ്രഹിക്കുന്നുവെന്ന തരത്തിലുള്ള വാര്‍ത്തകള്‍ അസത്യമാണെന്നും താരം സൂചിപ്പിച്ചു. മൂന്ന് ഫോര്‍മാറ്റിലും മികച്ച ബൗളര്‍ ആണെങ്കില്‍ മാത്രമേ ഒരു ബൗളറെ മികവാര്‍ന്നതെന്ന് വിളിക്കാവൂ എന്നാണ തന്റെ അഭിപ്രായമെന്നും റഹ്മാന്‍ വ്യക്തമാക്കി.
ഒരു ദിവസത്തില്‍ അവസാനിക്കുന്ന മത്സരത്തെയാണ് താന്‍ കൂടുതല്‍ സ്വാഗതം ചെയ്യുന്നതെന്നും സമ്മര്‍ദ്ദം ഒരു ദിവസത്തില്‍ അവസാനിക്കുന്നു എന്നത് കൊണ്ടാണെന്നും ഇത്തരം ഒരു താല്പര്യമെന്നും മുസ്തഫിസുര്‍ വ്യക്തമാക്കി. എന്നാല്‍ ഇതിനര്‍ത്ഥം തനിക്ക് ടെസ്റ്റ് കളിക്കാന്‍ ആഗ്രഹമില്ലെന്നല്ലെന്നും താരം അഭിപ്രായപ്പെട്ടു.
