മെല്ബേണില് നാളെ ആരംഭിക്കുന്ന മൂന്നാം ടെസ്റ്റില് മയാംഗ് അഗര്വാല് അരങ്ങേറ്റം കുറിയ്ക്കും. ഓപ്പണര്മാരായ കെഎല് രാഹുല്, മുരളി വിജയ് എന്നിവരെ പുറത്താക്കിയ ഇന്ത്യ പകരം ആ സ്ഥാനത്തേക്ക് മയാംഗിനെയും ഹനുമ വിഹാരിയെയും ഇറക്കുമെന്ന് വേണം മനസ്സിലാക്കുവാന്. അതേ സമയം ഉമേഷ് യാദവിനു പകരം ഇന്ത്യ രവീന്ദ്ര ജഡേജയെ ടീമിലെത്തിച്ചു.
ഇതോടെ ഇന്ത്യയ്ക്കായി ടെസ്റ്റ് അരങ്ങേറ്റം കുറിയ്ക്കുന്ന 295ാമത്തെ കളിക്കാരനായി മയാംഗ് അഗര്വാല് മാറും. രോഹിത് ശര്മ്മ ടെസ്റ്റ് ഇലവനിലേക്ക് മടങ്ങിയെത്തുമ്പോള് അശ്വിന് പുറത്ത് തന്നെയാണ്.
ഇന്ത്യ: വിരാട് കോഹ്ലി, അജിങ്ക്യ രഹാനെ, മയാംഗ് അഗര്വാല്, ഹനുമ വിഹാരി, ചേതേശ്വര് പുജാര, രോഹിത് ശര്മ്മ, ഋഷഭ് പന്ത്, രവീന്ദ്ര ജഡേജ, മുഹമ്മദ് ഷമി, ഇഷാന്ത് ശര്മ്മ, ജസ്പ്രീത് ബുംറ