ഇന്ത്യൻ പേസർ മുകേഷ് കുമാറിനെ ടെസ്റ്റ് സ്ക്വാഡിൽ നിന്ന് ഇന്ത്യ റിലീസ് ചെയ്തു. മൂന്നാം ടെസ്റ്റിനായുള്ള സ്റ്റാർടിംഗ് ഇലവനിൽ താരം ഉണ്ടായിരുന്നില്ല. മുകേഷ് കുമാറിനെ സ്ക്വാഡിൽ നിന്ന് റിലീസ് ചെയ്യുന്നതായും താരം രഞ്ജിയിൽ കളിക്കും എന്നും ബി സി സി ഐ അറിയിച്ചു. രഞ്ജിയിൽ ബംഗാൾ ടീമിനൊപ്പം മുകേഷ് കുമാർ ചേരും.
ബംഗാളിന്റെ അവസാന രഞ്ജി ഗ്രൂപ്പ് പോരാട്ടം നാളെ ആരംഭിക്കുകയാണ്. അവർ ബീഹാറിനെ ആണ് നേരിടുന്നത്. മുകേഷ് കുമാർ നാലാം ടെസ്റ്റിനു മുന്നേ വീണ്ടും ഇന്ത്യൻ ടീമിനൊപ്പം ചേരും. രണ്ടാം ടെസ്റ്റിൽ കളിച്ച മുകേഷ് കുമാറിനെ അത്ര മികച്ച ബൗളിംഗ് കാഴ്ചവെക്കാൻ ആയിരുന്നില്ല. രണ്ട് ഇന്നിങ്സുകളിലായി ആകെ ഒരു വിക്കറ്റ് മാത്രമെ താരം നേടിയിരുന്നുള്ളൂ.
