ജുലൈ 18നു ആരംഭിക്കുന്ന ടി20 ബ്ലാസ്റ്റില്‍ അഫ്ഗാനിസ്ഥാന്‍ സ്പിന്നര്‍ മുജീബ് ഉര്‍ റഹ്മാന്‍ കളിയ്ക്കും. വൈറ്റാലിറ്റി ടി20 ബ്ലാസ്റ്റ് ഫ്രാഞ്ചൈസിയായ മിഡില്‍ സെക്സിനു വേണ്ടിയാണ് താരം കളിയ്ക്കാനെത്തുന്നത്. ബംഗ്ലാദേശ് പ്രീമിയര്‍ ലീഗ്, ബിഗ് ബാഷ് ലീഗ്, ഇന്ത്യന്‍ പ്രീമിയര്‍ ലീഗ്, കരിബീയന്‍ പ്രീമിയര്‍ ലീഗ് എന്നീ ടൂര്‍ണ്ണമെന്റുകളിലെ സ്ഥിരം സാന്നിദ്ധ്യമാണ് മുജീബ്.
അടുത്തിടെ കഴിഞ്ഞ ബിഗ് ബാഷില്‍ 12 വിക്കറ്റുകള്‍ നേടിയെങ്കിലും തന്റെ മികച്ച പ്രകടനം പുറത്തെടുക്കുവാന്‍ താരത്തിനു സാധിച്ചില്ല. സെപ്റ്റംബര്‍ 21നു വൈറ്റാലിറ്റി ബ്ലാസ്റ്റ് അവസാനിക്കുന്നത് വരെ താരം ടൂര്‍ണ്ണമെന്റില്‍ കളിക്കാനുണ്ടാകുമെന്നാണ് അറിയുന്നത്.
