ടി20 ലോകകപ്പിൽ മുഹമ്മദ് ഷമി ഇന്ത്യയുടെ എക്‌സ്-ഫാക്ടർ ആകുമെന്ന് കരുതുന്നതായി സഹീർ ഖാൻ. ഷമി ഫിറ്റ് ആണെങ്കിൽ തീർച്ചയായും ഇന്ത്യ ഷമിയെ ലോകകപ്പ് സ്ക്വാഡിൽ ഉൾപ്പെടുത്തണം എന്നും മുൻ ഇന്ത്യൻ പേസർ പറഞ്ഞു.
“നിങ്ങൾ ജസ്പ്രീത് ബുംറയെയും മുഹമ്മദ് സിറാജിനെയും തീർച്ചയായും ടീമുക് എടുക്കും. അതിനുശേഷം, അർഷ്ദീപ് സിംഗ്, അവൻ ഒരു ഇടങ്കയ്യൻ ആയതിനാൽ നിങ്ങൾക്ക് ഒരു ചെറിയ വാരിയേഷബ്സ് ലഭിക്കും. അവൻ മികച്ച യോർക്കറുകളും എറിയുന്നു.. അതിനാൽ അത് ഒരു മുതൽക്കൂട്ടാണ്‌.” സഹീർ പറഞ്ഞു.
“മുഹമ്മദ് ഷമിയും ടീമിൽ ഉണ്ടാകണം, കാരണം അവൻ ഫിറ്റ് ആണെങ്കിൽ, ലോകകപ്പിൽ നിങ്ങൾക്ക് ഒരു എക്‌സ്-ഫാക്ടർ ഓപ്ഷനായി അവൻ മാറും. അതിനാൽ ഈ നാല് പേസർമാരെ ഞാൻ തിരഞ്ഞെടുക്കും, കാരണം നാല് പേസർമാർ തീർച്ചയായും ലോകകപ്പിനായി പോകണം.” സഹീർ പറഞ്ഞു.
ഇന്ത്യക്കായി ഏകദിന ലോകകപ്പിൽ ഷമി ഗംഭീര പ്രകടനം കാഴ്ചവെച്ചിരുന്നു. അവിടെ ഏഴ് മത്സരങ്ങളിൽ നിന്നായി 24 വിക്കറ്റുകളുമായി ടൂർണമെന്റിലെ ഏറ്റവും മികച്ച വിക്കറ്റ് വേട്ടക്കാരനാകാൻ ഷമിക്ക് ആയിരുന്നു.
