ഇന്ത്യൻ ഫാസ്റ്റ് ബൗളർ മുഹമ്മദ് ഷമി ഇന്ത്യൻ പ്രസിഡന്റ് ദ്രൗപതി മുർമുവിൽ നിന്ന് അർജുന അവാർഡ് ഏറ്റുവാങ്ങി. 2023ലെ ലോകകപ്പ് ക്രിക്കറ്റിലെ തകർപ്പൻ പ്രകടനത്തിന്റെ അടിസ്ഥാനത്തിൽ ബി സി സി ഐ ഷമിയുടെ പേര് ഈ വർഷത്തെ അർജുന അവാർഡിന് ശുപാർശ ചെയ്തിരുന്നു. ഇത്തവണ അർജുന അവാർഡ് നേടിയ ഏക ക്രിക്കറ്റർ ആണ് മുഹമ്മദ് ഷമി.
കായികരംഗത്തെ ഏറ്റവും ഉയർന്ന രണ്ടാമത്തെ ബഹുമതിയാണ് അർജുന അവാർഡ്. 33-കാരൻ ലോകകപ്പിൽ ഇന്ത്യക്ക് ആയി അഭിമാനകരമായ പ്രകടനം കാഴ്ചവെച്ചിരുന്നു. 2023 ക്രിക്കറ്റ് ലോകകപ്പിലെ എറ്റവും വലിയ വിക്കറ്റ് വേട്ടക്കാരനായാണ് ഷമി ടൂർണമെന്റ് അവസാനിപ്പിച്ചത്. ഏഴ് ഇന്നിംഗ്സുകളിൽ നിന്ന് 24 വിക്കറ്റുകൾ അദ്ദേഹം നേടി.
#WATCH | Delhi: Mohammed Shami received the Arjuna Award from President Droupadi Murmu at the National Sports Awards. pic.twitter.com/znIqdjf0qS
— ANI (@ANI) January 9, 2024
