തന്റെ മോശം ബൗളിംഗ് ഫോമിലൂടെ കടന്ന് പോകുന്ന പാക് താരം മുഹമ്മദ് അമീറിനു ആശ്വാസമായി ഒരു വിക്കറ്റ്. ജൂലായ് 13 2018ല്‍ ഇതിനു മുമ്പ് ഏകദിനത്തില്‍ വിക്കറ്റ് നേടിയ ശേഷം മുഹമ്മദ് അമീര്‍ ഇന്ന് ദക്ഷിണാഫ്രിക്കയ്ക്കെതിരെയാണ് ഒരു വിക്കറ്റ് നേടുന്നത്. ഈ കാലയളവില്‍ ടീമില്‍ നിന്ന് പുറത്ത് പോകേണ്ടി വന്ന അമീര്‍ ഏഴ് മത്സരങ്ങളാണ് ഇതിനിടെ കളിച്ചത്.
275 പന്തുകള്‍ വിക്കറ്റില്ലാതെ എറിഞ്ഞ ശേഷമാണ് അമീറിനു ഇന്നത്തെ വിക്കറ്റ് ലഭിച്ചത്. 4 റണ്‍സ് നേടിയ ഡേവിഡ് മില്ലറെ വിക്കറ്റിനു മുന്നില്‍ കുടുക്കിയാണ് അമീര്‍ തന്റെ വിക്കറ്റ് വരള്‍ച്ചയ്ക്ക് അറുതി വരുത്തിയത്.
