പാക്കിസ്ഥാന്‍ താരം മുഹമ്മദ് അബ്ബാസിന്റെ 2020ലെ കൗണ്ടി കരാര്‍ റദ്ദാക്കി നോട്ടിംഗാംഷയര്‍. കൊറോണ കാരണം ഒട്ടനവധി താരങ്ങളുടെ കരാര്‍ കൗണ്ടി ക്ലബ്ബുകള്‍ റദ്ദാക്കിയിട്ടുണ്ട്, ആ പട്ടികയിലേക്കുള്ള പുതിയ ആളാണ് മുഹമ്മദ് അബ്ബാസ്. ഭാവിയില്‍ താരവുമായി സഹകരിക്കുവാനുള്ള ശ്രമം തുടരുമെന്നും കൗണ്ടി വ്യക്തമാക്കി.
ഓഗസ്റ്റ് 1 വരെ കൗണ്ടി ക്രിക്കറ്റ് ആരംഭിക്കില്ലെന്ന് ഇംഗ്ലണ്ട് ബോര്‍ഡ് അറിയിച്ചിട്ടുണ്ട്. ജൂലൈയില്‍ വിന്‍ഡീസ് പരമ്പരയും പിന്നീട് പാക്കിസ്ഥാന്‍ പരമ്പരയുമാണ് ഇംഗ്ലണ്ടില്‍ അരങ്ങേറുവാന്‍ പോകുന്ന അന്താരാഷ്ട്ര ക്രിക്കറ്റ് മത്സരങ്ങള്‍.
