മലയാളി മിന്നു മണി ക്യാപ്റ്റൻ ആയ ആദ്യ മത്സരത്തിൽ ഇന്ത്യ എ ടീമിന് വിജയം

മലയാളു താരം മിന്നു മണി ക്യാപ്റ്റൻ ആയ ആദ്യ മത്സരത്തിൽ ഇന്ത്യൻ വനിതാ എ ടീം ഇംഗ്ലണ്ട് വനിത എ ടീമിനെ പരാജയപ്പെടുത്തി. 3 റൺസിന്റെ വിജയമാണ് ഇന്ത്യ ഇന്ന് നേടിയത്. ഇന്ന് ആദ്യം ബാറ്റു ചെയ്ത ഇന്ത്യ എ 20 ഓവറിൽ 134/7 എന്ന സ്കോറാണ് എടുത്തത്. ഇന്ത്യക്കു ദിശ കസത് 25 റണ്ണും വൃന്ദയും ദിവ്യയും 22 റൺസ് വീതവും നേടി.

മറുപടി ബാറ്റിംഗിന് ഇറങ്ങിയ ഇംഗ്ലണ്ടിന് 131 റൺ മാത്രമെ എടുക്കാൻ ആയുള്ളൂ. രണ്ടു വിക്കറ്റ് വീതം വീഴ്ത്തി കാശ്വിയും ശ്രെയങ്ക പട്ടീലും ഇന്ത്യക്ക് ആയി ബൗൾ കൊണ്ട് തിളങ്ങി. ശ്രെയങ്ക ആണ് കളിയിലെ താരമായി തിരഞ്ഞെടുക്കപ്പെട്ടത്. ഇംഗ്ലണ്ടിന്റെ ടോപ് സ്കോറർ ആയ ഹോളി ആർമിറ്റേജിന്റെവിക്കറ്റ് എടുത്ത് മിന്നു മണിയും വിജയത്തിൽ നിർണായക പങ്കുവഹിച്ചു. രണ്ടാം ടി20 ഡിസംബർ 1ന് നടക്കും.