മുഹമ്മദ് അമീര്‍ പാക്കിസ്ഥാന്റെ ടി20 ലോകകപ്പിനുള്ള ടീമിലുണ്ടാകണമെന്ന് അഭിപ്രായപ്പെട്ട് മുന്‍ പേസ് ബൗളര്‍ വസീം അക്രം. പാക്കിസ്ഥാന്‍ താരം കഴിഞ്ഞ വര്‍ഷം അവസാനം ടീം മാനേജ്മെന്റുമായുള്ള അഭിപ്രായ വ്യത്യാസത്തെത്തുടര്‍ന്ന് അന്താരാഷ്ട്ര ക്രിക്കറ്റില്‍ നിന്ന് വിരമിച്ചിരുന്നു.
ഇപ്പോള്‍ ടീം മാനേജ്മെന്റിനോട് അമീറിനെ പരിഗണിക്കേണ്ടതുണ്ടെന്ന് ആവശ്യപ്പെടുകയായിരുന്നു. എന്നാല്‍ ഇപ്പോളത്തെ ടീം മാനേജ്മെന്റ് മാറിയാല്‍ മാത്രമേ താന്‍ അന്താരാഷ്ട്ര ക്രിക്കറ്റിലേക്ക് തിരിച്ച് വരവ് പദ്ധതിയിടുന്നുള്ളുവെന്ന് നേരത്തെ വ്യക്തമാക്കിയിരുന്നു.
ടി20യില്‍ ലോകത്തിലെ ഏറ്റവും മികച്ച ബൗളര്‍മാരില്‍ ഒരാളാണ് മുഹമ്മദ് അമീര്‍ എന്നും വ്യക്തിപരമായി താരം പാക്കിസ്ഥാന്റെ ടി20 സ്ക്വാഡില്‍ ഉണ്ടാകേണ്ടതാണെന്നുമാണ് തന്റെ അഭിപ്രായം എന്നും വസീം അക്രം കൂട്ടിചേര്‍ത്തു.
