സിഡ്നിയില്‍ ഇന്ത്യയ്ക്ക് ആദ്യ ദിവസം ആദ്യ സെഷനില്‍ ഒരു വിക്കറ്റ് മാത്രം നഷ്ടം. 9 റണ്‍സ് നേടിയ കെഎല്‍ രാഹുലിനെ നഷ്ടമായെങ്കിലും മയാംഗ് അഗര്‍വാലും ചേതേശ്വര്‍ പുജാരയും ചേര്‍ന്ന് ഇന്ത്യയെ തുടര്‍ന്ന് വിക്കറ്റ് നഷ്ടമില്ലാതെ കരയ്ക്കെത്തിയ്ക്കുകയായിരുന്നു. ലഞ്ചിനു പിരിയുമ്പോള്‍ ഇന്ത്യ 69/1 എന്ന നിലയിലാണ്.
മയാംഗ് അഗര്‍വാല്‍ 42 റണ്‍സുമായി മികച്ച സ്ട്രൈക്ക് റേറ്റോടു കൂടി തന്റെ ഇന്നിംഗ്സ് മുന്നോട്ട് നയിച്ചപ്പോള്‍ ചേതേശ്വര്‍ പുജാര പതിവു ശൈലിയില്‍ ഓസീസ് ബൗളര്‍മാരെ ചെറുത്ത് തോല്പിക്കുകയായിരുന്നു. 24 ഓവറുകളാണ് ഇന്ന് ആദ്യ സെഷനില്‍ എറിഞ്ഞത്. ജോഷ് ഹാസല്‍വുഡാണ് വീണ ഒരു വിക്കറ്റിന്റെ ഉടമ.
