ദക്ഷിണാഫ്രിക്ക എ യ്ക്കെതിരെ ചതുര്‍ദിന മത്സരത്തില്‍ പടുകൂറ്റന്‍ സ്കോര്‍ നേടി ഇന്ത്യ എ ടീം മുന്നേറുന്നു. ഇന്ന് മത്സരത്തിന്റെ രണ്ടാം ദിവസം അവസാനിക്കുമ്പോള്‍ ഇന്ത്യ എ യ്ക്കായി മയാംഗ് അഗര്‍വാല്‍ ഇരട്ട ശതകം നേടി. പൃഥ്വി ഷാ 136 റണ്‍സും നേടി. ഒന്നാം വിക്കറ്റില്‍ പൃഥ്വി-മയാംഗ് അഗര്‍വാല്‍ കൂട്ടുകെട്ട് 277 റണ്‍സാണ് നേടിയത്. പൃഥ്വി ഷാ പുറത്തായപ്പോളാണ് കൂട്ടുകെട്ട തകര്‍ന്നത്.
സമര്‍ത്ഥ്(37) ആണ് പുറത്തായ മറ്റൊരു താരം. മയാംഗ് അഗര്‍വാല്‍ 220 റണ്‍സുമായി ക്രീസില്‍ നില്‍ക്കുന്നു. 9 റണ്‍സുമായി നായകന്‍ ശ്രേയസ്സ് അയ്യര്‍ ആണ് ക്രീസില്‍ മയാംഗിനു കൂട്ടായി നില്‍ക്കുന്നത്. ആദ്യ ഇന്നിംഗ്സില്‍ ദക്ഷിണാഫ്രിക്ക 246 റണ്‍സിനു പുറത്തായിരുന്നു. ഇന്ത്യയ്ക്ക് 165 റണ്‍സിന്റെ ലീഡാണ് ഇപ്പോള്‍ കൈവശമുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
