ദക്ഷിണാഫ്രിക്കയും ഓസ്ട്രേലിയയും തമ്മിലുള്ള ടി20 പരമ്പരയിലെ ആദ്യ മത്സരത്തിൽ ഓസ്ട്രേലിയക്ക് മികച്ച സ്കോർ. ഇന്ന് ആദ്യം ബാറ്റു ചെയ്ത ഓസ്ട്രേലിയ 20 ഓവറിൽ 226/6 റൺസ് ആണ് എടുത്തത്. മിച്ചൽ മാർഷിന്റെയും ടിം ഡേവിഡിന്റെ വെടിക്കെട്ട് പ്രകടനമാണ് ഓസ്ട്രേലിയക്ക് കൂറ്റൻ സ്കോർ നൽകിയത്. ടിം ഡേവിഡ് 28 പന്തിൽ നിന്ന് 64 റൺസ് ആണ് എടുത്തത്. 4 സിക്സും 7 ഫോറും അടങ്ങുന്നതായിരുന്നു അദ്ദേഹത്തിന്റെ ഇന്നിംഗ്സ്.
മിച്ചൽ മാർഷ് 92 റൺസുമായി ടോപ് സ്കോറർ ആയി. 49 പന്തിൽ നിന്നാണ് അദ്ദേഹം 92 റൺസ് എടുത്തത്. ഓസ്ട്രേലിയക്കായുള്ള ടി20യിലെ മാർഷിന്റെ ടോപ് സ്കോറാണിത്. 2 സിക്സും 13 ഫോറും അടങ്ങുന്നതായിരുന്നു മാർഷിന്റെ ഇന്നിങ്സ്.
ഓസ്ട്രേലിയയുടെ ട്രാവിസ് ഹെഡ് (6), ജോഷ് ഇങ്ലിസ് (1), സ്റ്റോയിനുസ് (6) എന്നിവർ നിരാശപ്പെടുത്തി. ദക്ഷിണാഫ്രിക്കക്ക് ആയി ലിസാഡ് വില്യൻസ് 3 വിക്കറ്റ് വീഴ്ത്തി.
