നിലവിൽ ഇന്ത്യൻ ടെസ്റ്റ് ടീമിൽ അഞ്ചാം സ്ഥാനത്ത് കെ.എൽ രാഹുലിനേക്കാൾ മികച്ച താരം അജിങ്കെ രഹാനെ തന്നെയാണെന്ന് മുൻ ഇന്ത്യൻ താരം സഞ്ജയ് മഞ്ചരേക്കർ. ഏകദിനത്തിൽ അഞ്ചാം സ്ഥാനത്ത് കെ.എൽ രാഹുൽ മികച്ച പ്രകടനം പുറത്തെടുക്കുന്നുണ്ടെങ്കിലും ടെസ്റ്റിൽ രഹാനെക്ക് പകരക്കാരനാവാൻ കെ.എൽ രാഹുലിന് കഴിയില്ലെന്ന് മഞ്ചരേക്കർ പറഞ്ഞു.
അതെ സമയം തന്റെ കരിയറിന്റെ ആദ്യ 2 വർഷങ്ങളിൽ പുറത്തെടുത്ത മികച്ച പ്രകടനങ്ങൾ ആവർത്തിക്കാൻ രഹാനെക്ക് കഴിയുന്നില്ലെന്നും എന്നാൽ താരം മികച്ച തിരിച്ചുവരവ് നടത്തുമെന്നാണ് താൻ പ്രതീക്ഷിക്കുന്നതെന്നും മഞ്ചരേക്കർ പറഞ്ഞു.
ഇന്ത്യൻ ടീമിൽ നിലവിൽ ക്യാപ്റ്റൻസി പങ്കുവെക്കേണ്ട ആവശ്യം ഇല്ലെന്നും മഞ്ചരേക്കർ പറഞ്ഞു. നിലവിൽ മൂന്ന് ഫോര്മാറ്റിലും വിരാട് കോഹ്‌ലി കളിക്കുന്നത്കൊണ്ട് തന്നെ വേറെ ഒരാളെ ക്യാപ്റ്റൻസി ഏല്പിക്കേണ്ട ആവശ്യം ഇല്ലെന്നും മഞ്ചരേക്കർ പറഞ്ഞു.
