വെസ്റ്റിന്ഡീസ് ക്രിക്കറ്റിൽ ദിനേശ് രാംദിന് പിന്നാലെ അന്താരാഷ്ട്ര ക്രിക്കറ്റിൽ നിന്ന് വിരമിക്കുകയാണെന്ന് അറിയിച്ച് ലെന്ഡൽ സിമ്മൺസ്. 2006ൽ പാക്കിസ്ഥാനെതിരെയുള്ള ഏകദിനത്തിലൂടെയാണ് സിമ്മൺസ് തന്റെ അന്താരാഷ്ട്ര അരങ്ങേറ്റം കുറിയ്ക്കുന്നത്.
മൂന്ന് ഫോര്മാറ്റുകളിലുമായി 144 അന്താരാഷ്ട്ര മത്സരങ്ങളിൽ നിന്ന് താരം 3763 റൺസാണ് നേടിയിട്ടുള്ളത്. 68 ഏകദിനങ്ങളിലും 8 ടെസ്റ്റ് മത്സരങ്ങളിലും കളിച്ച താരത്തിന് ഏറ്റവും മികച്ച് നിൽക്കാനായത് ടി20 ഫോര്മാറ്റിലാണ്.
2012, 2016 ടി20 ലോകകപ്പ് വിജയിച്ച വെസ്റ്റിന്ഡീസ് ടീമിന്റെ ഭാഗമായിരുന്നു താരം.
