കൊളംബോ ടെസ്റ്റിന്റെ രണ്ടാം ദിവസം ആദ്യ സെഷനില്‍ തന്നെ ഓള്‍ഔട്ട് ആയി ഇംഗ്ലണ്ട്. ഏതാനും ഓവറുകള്‍ മാത്രമാണ് രണ്ടാം ദിവസം ഇംഗ്ലണ്ട് ഇന്നിംഗ്സില്‍ എറിയാനായത്. 312/7 എന്ന നിലയില്‍ ബാറ്റിംഗ് പുനരാരംഭിച്ച ഇംഗ്ലണ്ടിനു 24 റണ്‍സ് കൂടി നേടുന്നതിനിടെ ശേഷിക്കുന്ന മൂന്ന് വിക്കറ്റ് നഷ്ടമാകുകയായിരുന്നു. മോയിന്‍ അലി 33 റണ്‍സ് നേടി പുറത്തായപ്പോള്‍ ആദില്‍ റഷീദ് 21 റണ്‍സുമായി പുറത്താകാതെ നിന്നു. രണ്ടാം ദിവസം ദില്‍രുവന്‍ പെരേര രണ്ടും ലക്ഷന്‍ സണ്ടകന് ഒരു വിക്കറ്റും നേടി.
336 റണ്‍സിനു ഇംഗ്ലണ്ട് ഓള്‍ഔട്ട് ആയപ്പോള്‍ ലക്ഷന്‍ സണ്ടകന് അഞ്ചും ദില്‍രുവന്‍ പെരരേ മൂന്നും വിക്കറ്റ് നേടുകയായിരുന്നു. മലിന്‍ഡ പുഷ്പകുമാരയ്ക്ക് രണ്ട് വിക്കറ്റ് ലഭിച്ചു. ഇന്നലെ ജോണി ബൈര്‍സ്റ്റോയുടെ 110 റണ്‍സിനൊപ്പം ജോ റൂട്ട്(46), ബെന്‍ സ്റ്റോക്സ്(57) എന്നിവര്‍ ഇംഗ്ലണ്ടിനായി തിളങ്ങി.
