ഐസിസി പെരുമാറ്റ ചട്ട ലംഘനത്തിന്റെ പേരില്‍ ന്യൂസിലാണ്ട് പേസര്‍ കൈല്‍ ജാമിസണിനെതിരെ നടപടി. പാക്കിസ്ഥാനെതിരെയുള്ള ആദ്യ ടെസ്റ്റിന്റെ മൂന്നാം ദിവസമാണ് സംഭവം നടക്കുന്നത്. പാക്കിസ്ഥാന്റെ ആദ്യ ഇന്നിംഗ്സിലെ 75ാം ഓവറിലാണ് സംഭവം നടക്കുന്നത്. ഫഹീം അഷ്റഫിന് നേരെ പന്ത് വലിച്ചെറിഞ്ഞതിനാണ് നടപടി. ക്രീസിനുള്ളില്‍ റണ്‍സ് നേടുവാനുള്ള ഉദ്ദേശ്യത്തോടെ അല്ലാതെ നിന്ന താരത്തിനെതിരെയാണ് പ്രകോപനകരമായ രീതിയില്‍ ജാമിസണ്‍ പന്തെറിഞ്ഞത്.
താരത്തിനെതിരെ ഒരു ഡീമെറിറ്റ് പോയിന്റും മാച്ച് ഫീസിന്റെ 25 ശതമാനം പിഴയായും വിധിച്ചു.
