മാര്ലിബോണ് ക്രിക്കറ്റ് ക്ലബ്ബ്(എംസിസി)യുടെ അടുത്ത പ്രസിഡന്റായി കുമാര് സംഗക്കാര ചുമതലയേല്ക്കും. ബ്രിട്ടീഷുകാരനല്ലാത്ത ക്ലബ്ബിന്റെ ആദ്യത്തെ പ്രസിഡന്റ് ആയിരിക്കും സംഗക്കാര. 2012ല് ആജീവനാന്ത അംഗത്വം ലഭിച്ച സംഗക്കാര ഒക്ടോബര് 2019 മുതല് സെപ്റ്റംബര് 2020 വരെയാണ് ചുമതല വഹിക്കുക.
തന്നെ തേടിയെത്തിയിരിക്കുന്നത് മഹത്തരമായ ഒരു നേട്ടമാണെന്നാണ് സംഗക്കാര ഇതിനെ സംബന്ധിച്ച് പ്രതികരിച്ചത്. 1787ല് ലോര്ഡ്സില് സ്ഥാപിതമായ എംസിസയാണ് ഐസിസി ഇപ്പോള് ഉപയോഗിക്കുന്ന നിയമങ്ങളുടെ അടിസ്ഥാനമായവ ക്രമപ്പെടുത്തിയത്.
