ഇന്ന് ശ്രീലങ്കയ്‌ക്കെതിരായ രണ്ടാം ഏകദിനത്തിൽ ഇന്ത്യൻ താരം വിരാട് കോഹ്ലി രണ്ട് വലിയ നാഴികകല്ലുക മറികടക്കാൻ ആകും. ഏകദിനത്തിൽ 14000 റൺസ് എന്ന നേട്ടവും മൊത്തം അന്താരാഷ്ട്ര ക്രിക്കറ്റിൽ 27000 റൺസ് എന്ന നേട്ടവും. മാത്രമല്ല ഏകദിനത്തിൽ ഏറ്റവും വേഗത്തിൽ 14,000 റൺസ് തികയ്ക്കുന്ന താരമായി മാറാനും കോഹ്ലിക്ക് അവസരം ലഭിക്കും.
കോഹ്ലി ഇതുവരെ 293 ഏകദിന മത്സരങ്ങളിൽ നിന്ന് 13,872 റൺസ് നേടിയിട്ടുണ്ട്. 14,000 റൺസ് കടക്കാൻ 128 റൺസ് കൂടി വേണം. ഞായറാഴ്ച ഈ നേട്ടം കൈവരിക്കാനായാൽ, സച്ചിൻ ടെണ്ടുൽക്കറുടെ 18 വർഷം പഴക്കമുള്ള റെക്കോർഡ് അദ്ദേഹം തകർക്കും.
ഫെബ്രുവരി 6 ന് പെഷവാറിൽ പാകിസ്ഥാനെതിരെ കളിച്ച ഇന്ത്യയ്ക്കുവേണ്ടി തൻ്റെ 359-ാം മത്സരത്തിലാണ് സച്ചിൻ ഏകദിനത്തിൽ 14,000 റൺസ് നേടിയത്. ആകെ രണ്ട് ബാറ്റർമാർക്കാണ് ഇതുവരെ ഏകദിനത്തിൽ 14,000-ത്തിലധികം റൺസ് സ്കോർ ചെയ്യാൻ കഴിഞ്ഞത്.
463 മത്സരങ്ങളിൽ നിന്ന് 18,426 റൺസുമായി സച്ചിൻ ഒന്നാം സ്ഥാനത്തും മുൻ ശ്രീലങ്കൻ ക്യാപ്റ്റൻ കുമാർ സംഗക്കാര രണ്ടാം സ്ഥാനത്തുമാണ്.
ഏകദിനത്തിൽ 14,000 റൺസ് തികച്ചതിന് പുറമേ, രാജ്യാന്തര ക്രിക്കറ്റിൽ 27,000 റൺസ് തികയ്ക്കുന്ന ലോകത്തിലെ നാലാമത്തെ ബാറ്റ്‌സ്മാൻ എന്ന നേട്ടവും കോഹ്ലിക്ക് ഞായറാഴ്ച ലഭിക്കും. നിലവിൽ ഇന്ത്യക്കായി ഫോർമാറ്റുകളിലായി കളിച്ച 531 മത്സരങ്ങളിൽ നിന്ന് 26,908 റൺസ് കോഹ്‌ലിയുടെ പേരിലുണ്ട്, ഈ എലൈറ്റ് ക്ലബ്ബിൽ സച്ചിന് (34,357), സംഗക്കാര (28,016), പോണ്ടിംഗ് (27,483) എന്നിവരാണ് ഇപ്പോൾ ഉള്ളത്. ഇവർക്ക് ഒപ്പം ചേരാൻ 92 റൺസ് ആണ് കോഹ്ലിക്ക് ആവശ്യമുള്ളത്.
Fastest to score 14,000 runs in ODIs
Sachin Tendulkar (India) – 359 matches (350 innings)
Kumar Sangakkara (Sri Lanka, Asia, ICC) – 402 matches (378 innings)
