ഇന്ത്യൻ ക്യാപ്റ്റൻ വിരാട് കോഹ്ലി ഏകദിന ക്രിക്കറ്റിൽ ഒരു നാഴികക്കല്ല് കൂടെ പിന്നിട്ടും. 12000 റൺസ് എന്ന നേട്ടമാണ് ഇന്ന് ഓസ്ട്രേലിയക്ക് എതിരായ മത്സരത്തോടെ കോഹ്ലി സ്വന്തമാക്കിയത്. ഏറ്റവും വേഗതയിൽ 12000 റൺസിൽ എത്തുന്ന താരമായും കോഹ്ലി ഇന്നത്തെ ഇന്നിങ്സോടെ മാറി. ഇതിഹാസം സച്ചിൻ തെൻഡുൽക്കർക്ക് ആയിരുന്നു ഇതുവരെ ആ റെക്കോർഡ് ഉണ്ടായിരുന്നത്.
സച്ചിൻ 300 ഇന്നിങ്സിൽ നിന്നാണ് 12000 റൺസ് എടുത്തത്. കോഹ്ലിക്ക് 12000 എന്ന നേട്ടത്തിൽ എത്താൻ 242 ഇന്നിങ്സ് മാത്രമേ വേണ്ടി വന്നുള്ളൂ. 59നു മുകളിലാണ് കോഹ്ലിയുടെ ബാറ്റിംഗ് ശരാശരി. 43 സെഞ്ച്വറികളും കോഹ്ലി ഇതിനകം ഏകദിനത്തിൽ നേടി കഴിഞ്ഞു. അന്താരാഷ്ട്ര ക്രിക്കറ്റിൽ 22000 റൺസ് എന്ന നേട്ടവും കോഹ്ലി ഈ പരമ്പരയിൽ സ്വന്തമാക്കിയിരുന്നു.
