ഇന്ത്യയ്ക്കെതിരെ നിര്ണ്ണായകമായ അഞ്ചാം ഏകദിനത്തില് മികച്ച ബാറ്റിംഗ് പ്രകടനവുമായി ഓസ്ട്രേലിയ. മികച്ച ഫോമില് ബാറ്റ് വീശുന്ന ഉസ്മാന് ഖവാജയുടെ ശതകത്തിന്റെ ബലത്തില് 34 ഓവര് പിന്നിടുമ്പോള് ഓസ്ട്രേലിയ മൂന്ന് വിക്കറ്റ് നഷ്ടത്തില് 178 റണ്സാണ് നേടിയിട്ടുള്ളത്. ഖവാജ തന്റെ രണ്ടാം ശതകം പൂര്ത്തിയാക്കിയ ഉടനെ പുറത്തായത് ഓസ്ട്രേലിയയ്ക്ക് തിരിച്ചടിയായി മാറുമോ എന്നതാണ് ഇനി നോക്കേണ്ടത്.
മത്സരത്തില് ടോസ് നേടിയ ഓസ്ട്രേലിയ ബാറ്റിംഗ് തിരഞ്ഞെടുക്കുകയായിരുന്നു. ആരോണ് ഫിഞ്ചാണ്(27) പുറത്തായ മറ്റൊരു ബാറ്റ്സ്മാന്. 106 പന്തില് നിന്ന് 100 റണ്സ് നേടി ഖവാജ പത്ത് ഫോറും 2 സിക്സും തന്റെ ഇന്നിംഗ്സില് നേടി. ഖവാജ പുറത്തായി അടുത്ത ഓവറില് മാക്സ്വെല്ലിനെയും ഓസ്ട്രേലിയയ്ക്ക് നഷ്ടമാകുകയായിരുന്നു. രവീന്ദ്ര ജഡേജയ്ക്ക് രണ്ട് വിക്കറ്റ് ലഭിച്ചു.
