ലങ്കയില്‍ ദക്ഷിണാഫ്രിക്കയുടെ ആകെ ആശ്വാസമായി മാറിയ കേശവ് മഹാരാജിനു റാങ്കിംഗില്‍ മുന്നേറ്റം. ശ്രീലങ്കയ്ക്കെതിരെ ഒരിന്നിംഗ്സില്‍ 9 വിക്കറ്റ് നേടിയ മഹാരാജ് അഞ്ച് സ്ഥാനങ്ങള്‍ മെച്ചപ്പെടുത്തി 18ാം സ്ഥാനത്തേക്ക് എത്തുകയായിരുന്നു. ഒരു ദക്ഷിണാഫ്രിക്കന്‍ സ്പിന്നര്‍ നേടുന്ന ഏറ്റവും അധികം പോയിന്റുകളില്‍ രണ്ടാം സ്ഥാനത്താണ് കേശവ് മഹാരാജ് ഇപ്പോള്‍. 2009ല്‍ പോള്‍ ഹാരിസ് നേടിയ 705 റേറ്റിംഗ് പോയിന്റാണ് ദക്ഷിണാഫ്രിക്കന്‍ സ്പിന്നര്‍മാരില്‍ ഏറ്റവും അധികം പോയിന്റ്.
ദില്‍രുവന്‍ പെരേര 23ാം റാങ്കിലേക്ക് ഉയര്‍ന്നപ്പോള്‍ അകില ധനന്‍ജയ 16 സ്ഥാനങ്ങള്‍ മെച്ചപ്പെടുത്തി 39ാം സ്ഥാനത്തെത്തി. രംഗന ഹെരാത്ത് എട്ടാം സ്ഥാനത്ത് നില്‍ക്കുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
