ഐപിഎൽ 2024 ന് മുന്നോടിയായി സംസാരിച്ച ദ്രുവ് ജൂറൽ, എംഎസ് ധോണി തൻ്റെ ആരാധനാപാത്രമാണെന്നും അടുത്ത ധോണിയാകാൻ തനിക്ക് എന്നല്ല ആർക്കും ആകില്ല എന്നും ജുറെൽ പറഞ്ഞു.
“തുടക്കം മുതലേ എൻ്റെ ആരാധനാപാത്രമാണ് എംഎസ് ധോണി. എൻ്റെ കരിയറിൻ്റെ തുടക്കം മുതൽ ഞാൻ ആരാധന കാത്തുസൂക്ഷിക്കുന്നതിനാൽ ഞാൻ ധോണിയുമായി എപ്പോഴും തന്നെ ബന്ധപ്പെടുത്താറുണ്ട്. ഞാൻ അടുത്ത ധോണിയാകുമെന്ന് എല്ലാവരും പറയുന്നു, പക്ഷേ ധോണിയാകുന്നത് വളരെ ബുദ്ധിമുട്ടാണ്” ധ്രുവ് ജൂറൽ പറഞ്ഞു.
“ആർക്കും എംഎസ് ധോണിയാകാൻ കഴിയില്ല. എനിക്ക് ധ്രുവ് ആകാൻ ആണ് ആഗ്രഹം, കാരണം ലോക ക്രിക്കറ്റിൽ എംഎസ് ധോണി നേടിയത് ആർക്കും നേടാൻ കഴിയുമെന്ന് ഞാൻ കരുതുന്നില്ല,” അദ്ദേഹം കൂട്ടിച്ചേർത്തു.
