ഇന്ത്യ പാക് മത്സരം ഇന്ത്യ ഉപേക്ഷിക്കണമോ വേണ്ടയോ എന്ന ആദ്യ റൗണ്ട് അഭിപ്രായങ്ങള്‍ താരങ്ങളും മുന്‍ താരങ്ങളും രാഷ്ട്രീയക്കാരും ആരാധകരുമെല്ലാം പങ്കുവെച്ച ശേഷം തന്നോട് ഇതേ ചോദ്യം വീണ്ടും ചോദിച്ച റിപ്പോര്‍ട്ടര്‍മാരോട് മനസ്സ് തുറന്ന് ഗൗതം ഗംഭിര്‍. അന്തിമ തീരുമാനം അത് ബിസിസിഐയുടേതാണെന്ന് പറഞ്ഞ ഗംഭീര്‍ തന്നെ സംബന്ധിച്ച് ആ രണ്ട് പോയിന്റ് അത്ര പ്രാധാന്യമുള്ളതല്ലെന്നും ഇന്ത്യ മത്സരം ഉപേക്ഷിക്കണമെന്നതാണ് വ്യക്തിപരമായ അഭിപ്രായമെന്ന് പറഞ്ഞു.
ഏതൊരു ക്രിക്കറ്റ് മത്സരത്തെക്കാളും തനിക്ക് പ്രാധാന്യം ജവാന്മാരാണെന്നും രാജ്യം തന്നെയാണ് ആദ്യ സ്ഥാനം അര്‍ഹിക്കുന്നതെന്നും ഗൗതം ഗംഭീര്‍ പറഞ്ഞു. പാക്കിസ്ഥാനെ ഐസിസി ലോകകപ്പില്‍ നിന്ന് വിലക്കണമെന്ന് ഇന്ത്യ ആവശ്യപ്പെട്ടുവെങ്കിലും അത് സാധ്യമല്ലെന്ന് ഐസിസി അറിയിക്കുകയുണ്ടായിരുന്നു.
