കൊല്‍ക്കത്തയിലെ ഈഡന്‍ ഗാര്‍ഡന്‍സില്‍ ബംഗ്ലാദേശിന് നാണംകെട്ട ബാറ്റിംഗ് തകര്‍ച്ച. ചരിത്രം പിറന്ന ഇന്ത്യയിലെ ആദ്യ ഡേ നൈറ്റ് ടെസ്റ്റില്‍ ബംഗ്ലാദേശ് 30.3 ഓവറില്‍ 106 റണ്‍സിന് ഓള്‍ഔട്ട് ആവുകയായിരുന്നു. ഇഷാന്ത് ശര്‍മ്മയുടെ അഞ്ച് വിക്കറ്റ് നേട്ടത്തിനൊപ്പം ഉമേഷ് യാദവ് മൂന്ന് വിക്കറ്റും നേടിയപ്പോള്‍ ബംഗ്ലാദേശ് ബാറ്റ്സ്മാന്മാര്‍ വെള്ളം കുടിയ്ക്കുകയായിരുന്നു. മുഹമ്മദ് ഷമിയ്ക്ക് രണ്ട് വിക്കറ്റ് ലഭിച്ചു.
29 റണ്‍സ് നേടിയ ഓപ്പണര്‍ ഷദ്മന്‍ ഇസ്ലാം ടോപ് സ്കോറര്‍ ആയപ്പോള്‍ ലിറ്റണ്‍ ദാസ് 24 റണ്‍സ് നേടി പുറത്തായി. നയീം ഹസന്‍(19) ആണ് രണ്ടക്ക സ്കോറിലേക്ക് കടന്ന മറ്റൊരു താരം.
