ബംഗ്ലാദേശും അയർലണ്ട് ടീമും തമ്മിലുള്ള മൂന്ന് മത്സരങ്ങളുടെ ടി20 ഐ പരമ്പരയുടെ അവസാന മത്സരത്തിൽ ഏഴ് വിക്കറ്റിന്റെ ആശ്വാസ ജയം ഉറപ്പാക്കാൻ അയർലൻഡിന് കഴിഞ്ഞു. ആദ്യ രണ്ട് മത്സരങ്ങളും ജയിച്ച് നേരത്തെ തന്നെ പരമ്പര സ്വന്തമാക്കിയ ബംഗ്ലാദേശ് അയർലൻഡിന് മുന്നിൽ ഇന്ന് 125 റൺസിന്റെ വിജയലക്ഷ്യമാണ് ഉയർത്തിയത്.
ബംഗ്ലാദേശിന്റെ ഷമിം ഹൊസൈൻ തന്റെ ടീമിനായി ബാറ്റിംഗിൽ മികച്ച പ്രകടനം നടത്തി താരം 42 പന്തിൽ 51 റൺസ് നേടി. എന്നാൽ, ബാറ്റിംഗ് നിരയിലെ ബാക്കിയുള്ളവർക്ക് അധികം തിളങ്ങാനായില്ല. 19.2 ഓവറിൽ 124 റൺസിന് അവർ പുറത്തായി. 3/25 എന്ന മികച്ച ബൗളിംഗ് പ്രകടനം നടത്താൻ മാർക്ക് അഡയറിനായി.
അയർലണ്ടിന്റെ ഓപ്പണർ പോൾ സ്റ്റെർലിംഗ് 41 പന്തിൽ 77 റൺസ് നേടിയ മികച്ച ഇന്നിംഗ്‌സ് കളിച്ച് ടീമിനെ 36 പന്തുകൾ ശേഷിക്കെ അനായാസ വിജയത്തിലേക്ക് നയിച്ചു. തോറ്റെങ്കിലും ആദ്യ രണ്ട് മത്സരങ്ങളിലും ആധിപത്യം പുലർത്തിയ ബംഗ്ലാദേശ് പരമ്പര 2-1ന് സ്വന്തമാക്കി.
