ഐ പി എൽ പ്ലേ ഓഫിനായി ഒരുങ്ങുന്ന ചെന്നൈ സൂപ്പർ കിംഗ്സിന് തിരിച്ചടി. അവരുടെ ഓൾറൗണ്ട് ഐ പി എല്ലിൽ ഇനി കളിക്കില്ല. നട്ടെല്ലിന് പരിക്കേറ്റതിനാൽ ചെന്നൈ സൂപ്പർ കിംഗ്സ് (CSK) ഓൾറൗണ്ടർ സാം കറൻ ഐപിഎൽ 2021 ൽ നിന്നും വരാനിരിക്കുന്ന ടി 20 ലോകകപ്പിൽ നിന്നും പിന്മാറിയതായി താരം തന്നെ അറിയിച്ചു.
“നിർഭാഗ്യവശാൽ ഐപിഎൽ സീസണിന്റെയും ലോകകപ്പിന്റെയും ഭാഗമായ ഇനി എനിക്ക് കളിക്കാൻ ആവില്ല. ഇതിൽ നിരാശ ഉണ്ട്, ഈ സീസണിൽ ചെന്നൈയുമായുള്ള എന്റെ സമയം ഏറെ ഇഷ്ടപ്പെട്ടിരുന്നു,” കറൻ പറഞ്ഞു.
“എല്ലാ ചെന്നൈ സൂപ്പർ കിംഗ്സ് ആരാധകർക്കും ഒരു വലിയ നന്ദി പറയാൻ ഞാൻ ആഗ്രഹിക്കുന്നു, കഴിഞ്ഞ രണ്ട് സീസണുകളിലും തന്ന എല്ലാ പിന്തുണയും ഞാൻ ശരിക്കും ഇഷ്ടപ്പെട്ടു. ഞാൻ ശക്തനായി തിരിച്ചെത്തും, അതുവരെ സുരക്ഷിതമായി തുടരുക. ആശംസകൾ സുഹൃത്തുക്കളേ, ”അദ്ദേഹം കൂട്ടിച്ചേർത്തു.
