ലക്ഷണങ്ങളില്ലെങ്കിലും റുതുരാജ് വീണ്ടും പോസിറ്റീവ്

ചെന്നൈ സൂപ്പര്‍ കിംഗ്സ് താരം റുതുരാജ് ഗായ്ക്വാഡ് രണ്ടാം പരിശോധനയിലും കോവിഡ് പോസിറ്റീവ്. വിക്കറ്റ് കീപ്പര്‍ താരം കൂടിയായ റുതുരാജ് ചെന്നൈ നിരയില്‍ ദീപക് ചഹാറിനൊപ്പം പോസ്റ്റീവായ താരങ്ങളില്‍ ഒരാളാണ്. ദീപക് ചഹാര്‍ നെഗറ്റീവായി പിന്നീടുള്ള പരിശോധനയില്‍ മാറിയെങ്കിലും റുതുരാജിന്റെ പരിശോധന ഫലം പോസിറ്റീവായി തുടരുകയാണ്.

താരം ആദ്യം മുതലെ ലക്ഷണങ്ങളൊന്നും കാണിക്കുന്നില്ലെന്നാണ് അറിയുന്നത്. പരിശോധനയില്‍ നെഗറ്റീവ് ആയി സ്ഥിരീകരിക്കുന്നത് വരെ താരത്തിന് ടീമംഗങ്ങള്‍ക്കൊപ്പം ബയോ ബബിളിലേക്ക് എത്താനാകില്ല. സുരേഷ് റെയ്‍നയ്ക്ക് പകരം ടീമില്‍ സ്ഥാനം ലഭിച്ചേക്കാവുന്ന പ്രധാനകളില്‍ ഒരാളായിരുന്നു റുതുരാജ് ഗായക്വാഡ്.