ഐപിഎലിന്റെ ആരംഭത്തിന് മുമ്പ് ചെന്നൈ സൂപ്പര്‍ കിംഗ്സ് ക്യാമ്പില്‍ രണ്ട് താരങ്ങളാണ് കൊറോണ സ്ഥിരീകരിച്ച് ഐസോലേഷനിലേക്ക് പോയത്. ഇതില്‍ തന്നെ ദീപക് ചഹാര്‍ പിന്നീട് നെഗറ്റീവായി ടീമിന്റെ ആദ്യ മത്സരത്തില്‍ കളിച്ചുവെങ്കിലും റുതുരാജ് ഗായ്വാഡ് തന്റെ കാത്തിരിപ്പ് തുടരുകയായിരുന്നു.
ഒരു ടെസ്റ്റില്‍ നേരത്തെ നെഗറ്റീവായ താരം തന്റെ രണ്ടാം ടെസ്റ്റിലും നെഗറ്റീവായി മാറിയെന്നാണ് അറിയുന്നത്. താരം പരിശീലനത്തിനായി ടീമിനൊപ്പം ചേര്‍ന്നുവെന്നും വിവരം ലഭിയ്ക്കുന്നു. നാളെ രാജസ്ഥാന്‍ റോയല്‍സിനെതിരെ നടക്കുന്ന ആദ്യ മത്സരത്തില്‍ താരം ടീമിലുണ്ടാകുമോ എന്നതില്‍ വ്യക്തതയില്ലെങ്കിലും ഉടനെ തന്നെ സുരേഷ് റെയ്‍നയ്ക്ക് പകരം ടീമിലെത്തുമെന്ന് പ്രതീക്ഷിക്കപ്പെടുന്ന താരം ചെന്നൈയുടെ അന്തിമ ഇലവനില്‍ സ്ഥാനം പിടിക്കുമെന്ന് ഉറപ്പാണ്.
