സൂര്യകുമാർ അടിച്ചു, കൊൽക്കത്തയ്ക്ക് 182 റൺസിന്റെ വിജയലക്ഷ്യം

- Advertisement -

മുംബൈ ഇന്ത്യൻസിനെതിരായ മത്സരത്തിൽ കൊൽക്കത്തയ്ക്ക് 182 റൺസിന്റെ വിജയ ലക്ഷ്യം. ആദ്യം ബാറ്റ് ചെയ്ത മുംബൈ നാല് വിക്കറ്റ് നഷ്ടത്തിൽ 181 റണ്സെടുത്ത്. സൂര്യകുമാർ യാദവിന്റെ അർദ്ധ സെഞ്ചുറിയുടെ പിൻബലത്തിലാണ് മുംബൈ ഭേദപ്പെട്ട സ്‌കോറിൽ എത്തിയത്. 39 പന്തുകളിൽ നിന്നും 59 റൺസ് സൂര്യകുമാർ യാദവെടുത്തു.

43 റൺസുമായി എവിൻ ലെവിസ്, അവസാന ഓവറുകളിൽ തകർത്തടിയ ഹർദിക് പാണ്ഡ്യാ എന്നിവരും മുംബൈക്ക് തുണയായി.പതിനൊന്നു റൺസെടുക്കാനെ ക്യാപ്റ്റൻ രോഹിത് ശർമ്മയ്ക്ക് സാധിച്ചുള്ളൂ. കൃണാൽ പാണ്ഡ്യാ 14 ഉം ഡുമിനി 13 ഉം റണ്സെടുത്തു.

വാങ്കഡെ സ്റ്റെഡ്യത്തിൽ മുംബൈ ഇന്ത്യൻസിനെ ബാറ്റിങിനയക്കാൻ ആയിരുന്നു മത്സരത്തിൽ ടോസ് നേടിയ കൊൽക്കത്ത ക്യാപ്റ്റൻ ദിനേശ് കാർത്തികിന്റെ തീരുമാനം. ബെംഗളൂരുവിനെയും ചെന്നൈ സൂപ്പർ കിങ്സിനെയും പരാജയപ്പെടുത്തിയ ആത്മവിശ്വാസത്തിലാണ് കൊൽക്കത്ത ഇറങ്ങിയത്.ഇരു ടീമുകളും ഇതിനു മുൻപ് ഏറ്റുമുട്ടിയപ്പോൾ 16 തവണയും വിജയം മുംബൈയുടെ സ്വന്തമായിരുന്നു.

സുനിൽ നരൈയ്നും ആന്ദ്രേ റസ്സലുമാണ് കൊൽക്കത്തയ്ക്ക്വേണ്ടി മുംബൈയെ പിടിച്ച് കെട്ടിയത്. സൂര്യകുമാർ യാദവ്നെയും ലെവിസിനെയും റാസൽ വീഴ്ത്തിയപ്പോൾ കൃണാൽ പാണ്ഡ്യായുടെയും രോഹിത്ത് ശർമ്മയുടെയും വിക്കറ്റുകൾ നരൈയ്ൻ വീഴ്ത്തി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement