ക്രിക്കറ്റ് ലോകത്തെ ഞെട്ടിക്കാൻ രണ്ട് താരങ്ങൾ കൊൽക്കത്തയിലുണ്ടെന്ന് കൊൽക്കത്ത നൈറ്റ്റൈഡേഴ്സ് ചീഫ് മെന്റർ ഡേവിഡ് ഹസ്സി. കൊൽക്കത്ത നൈറ്റ്റൈഡേഴ്സിന്റെ ശുഭ്മൻ ഗില്ലും നിതീഷ് റാണയും ഇന്ത്യൻ ക്രിക്കറ്റിലെ ജനറേഷണൽ ടാലന്റുകൾ ആണെന്നും ഡേവിഡ് ഹസ്സി കൂട്ടിച്ചേർത്തു.
ഈ സീസണിൽ കൊൽക്കത്ത നൈറ്റ്റൈഡേഴ്സിന്റെ ഭാവി നിർണയിക്കുക ഈ താരങ്ങളാണെന്നും ഹസ്സി പറഞ്ഞു. ഗില്ല് ഈ സീസൺ തുടക്കത്തിൽ ഏഴ് കളികളിൽ 132 റൺസാണ് അടിച്ചത്. അതേ സമയം നിതീഷ് റാണയാണ് കൊൽക്കത്ത നൈറ്റ്റൈഡേഴ്സിന്റെ ടോപ്പ് സ്കോറർ. ഏഴ് കളികളിൽ നിന്നും 201 റൺസാണ് റാണ അടിച്ച്കൂട്ടിയത്.
