ഈ സീസൺ ഐപിഎൽ വ്യൂവർഷിപ്പിൽ വൻ വർദ്ധനയുണ്ടായെന്ന് ബിസിസിഐ സെക്രട്ടറി ജയ് ഷാ പ്രഖ്യാപിച്ചു. കഴിഞ്ഞ സീസൺ ഐപിഎല്ലിനെ അപേക്ഷിച്ച് വ്യൂവർഷിപ്പിൽ 12മില്ല്യണിന്റെ വർദ്ധനയാണ് ഉണ്ടായിരിക്കുന്നതെന്നും ജയ് ഷാ പറഞ്ഞു. ഈ വർഷത്തെ ഐപിഎൽ വ്യൂവർഷിപ്പ് 380 മില്ല്യൺ എന്ന ഗോൾഡൻ നമ്പറിൽ എത്തി നിൽക്കുകയാണ്. ഈ വർഷത്തെ ഐപിഎല്ലിന്റെ ആദ്യ ഘട്ടത്തിൽ കഴിഞ്ഞ വർഷത്തെ ഐപിഎല്ലുമായി താരതമ്യം ചെയ്യുമ്പോൾ കുറവായിരുന്നു.
I am delighted to share that #IPL2021 continues to register significant growth in viewership
📈
380 million TV viewers (till match 35)
12 million more than 2020 at the same stage🙌🏾Thank you, everyone. It will only get more exciting from here on @IPL @StarSportsIndia @BCCI
— Jay Shah (@JayShah) September 30, 2021
ഈ വർഷത്തെ ഐപിഎൽ സീസണിന്റെ തുടക്കത്തിൽ 105മില്ല്യൺ ആയിരുന്നു വ്യൂവർഷിപ്പ് എന്നാൽ കഴിഞ്ഞ സീസണിൽ ആദ്യ ഘട്ടത്തിൽ 116 മില്ല്യൺ വ്യൂവർഷിപ്പുണ്ടായിരുന്നു. പിന്നീടാണ് ഈ സീസൺ ഐപിഎൽ കൂടുതൽ കാണികളെ എത്തിച്ചത്. അതേ സമയം ടി20 ലോകകപ്പിന് മുന്നോടിയായി മികച്ചൊരു തയ്യാറെടുപ്പിന് ഐപിഎൽ ടീമുകളെ സഹായിക്കുമെന്നും ജയ് ഷാ കൂട്ടിച്ചേർത്തു. ഐപിഎൽ ഫൈനൽ ഒക്ടോബർ 15നും ടി20 ലോകകപ്പ് ഒക്ടോബർ 17നും ആരംഭിക്കും.
