ഐ.പി.എൽ തിയ്യതികളായി, ഫൈനൽ മുംബൈയിൽ നടക്കും

Hyderabad: Mumbai Indians' pose with the trophy after winning the Final match of IPL 2019 against Chennai Super Kings at Rajiv Gandhi International Stadium in Hyderabad, on May 12, 2019. Mumbai Indians won by 1 run. It also became the first team to win four Indian Premier League (IPL) titles. (Photo: Surjeet Yadav/IANS)

ഈ വർഷത്തെ ഇന്ത്യൻ പ്രീമിയർ ലീഗ് മത്സരങ്ങളുടെ തിയ്യതികൾ പ്രഖ്യാപിച്ച് ബി.സി.സി.ഐ പ്രസിഡണ്ട് സൗരവ് ഗാംഗുലി. മാർച്ച് 29നാവും ഈ സീസണിലെ ഇന്ത്യൻ പ്രീമിയർ ലീഗ് മത്സരങ്ങൾ തുടങ്ങുക. ഫൈനൽ മത്സരം മെയ് 24ന് മുംബൈയിൽ വെച്ച് നടക്കും. അതെ സമയം ഈ സീസണിൽ മുതൽ മത്സരം തുടങ്ങുന്ന സമയം 8.00 മണിയിൽ നിന്ന് 7.30 ആക്കാനുള്ള നിർദേശം ബി.സി.സി.ഐ തള്ളി. ഈ വർഷവും ഇത് പ്രകാരം രാത്രി 8 മണിക്ക് തന്നെ മത്സരം തുടങ്ങും.  രണ്ട് മത്സരങ്ങളുള്ള ദിവസങ്ങൾ ഈ വർഷം വെറും 5 എണ്ണമാക്കിയും കുറച്ചിട്ടുണ്ട്. ഇത് പ്രകാരം ആദ്യ മത്സരം 4 മണിക്കും രണ്ടാം മത്സരം 8 മണിക്കും നടക്കും.

ഇന്ത്യൻ പ്രീമിയർ ലീഗ് തുടങ്ങുന്നതിന്റെ മൂന്ന് ദിവസം മുൻപേ വിദേശ താരങ്ങളെ ഉൾപ്പെടുത്തി ഒരു ചാരിറ്റി മത്സരം നടത്താനും ബി.സി.സി.ഐ തീരുമാനിച്ചിട്ടുണ്ട്. ഓൾ സ്റ്റാർ ഗെയിം എന്ന് പേരിട്ടിരിക്കുന്ന ഇതിന്റെ വേദി ഇതുവരെ പ്രഖ്യാപിച്ചിട്ടില്ല. ഈ വർഷം മുതൽ ഇന്ത്യൻ പ്രീമിയർ ലീഗിൽ കൺകഷൻ സബ്സ്റ്റിട്യൂട് കൊണ്ട് വരാനും തീരുമാനിച്ചിട്ടുണ്ട്. ടെസ്റ്റ് ക്രിക്കറ്റിൽ കൺകഷൻ സബ്സ്റ്റിട്യൂട് ഐ.സി.സി നേരത്തെ നടപ്പാക്കിയിരുന്നു. നേരത്തെ ഓവർ സ്റ്റെപ്പിനുള്ള നോ ബോൾ തേർഡ് അമ്പയറാവും നോക്കുകയെന്ന് തീരുമാനിച്ചിരുന്നു.