ഇന്ത്യൻ പ്രീമിയർ ലീഗ് (ഐ പി എൽ) ഫൈനൽ കഴിഞ്ഞ് ഒരാഴ്ചയ്ക്ക് ശേഷം ലോക ടെസ്റ്റ് ചാമ്പ്യൻഷിപ്പ് ഫൈനലിൽ കളിക്കുക വെല്ലുവിളി ആണെന്ന് പരിശീലകൻ രാഹുൽ ദ്രാവിഡ്. മെയ് 28ന് ആണ് ഐപിഎൽ ഫൈനൽ. അതു കഴിഞ്ഞ് 9 ദിവസങ്ങൾക്ക് ശേഷം ജൂൺ 7 മുതൽ ലണ്ടനിലെ ഓവലിൽ ഡബ്ല്യുടിസി ഫൈനലും നടക്കും. ഇന്ത്യ ഫൈനലിൽ ഓസ്ട്രേലിയയെ ആണ് നേരിടേണ്ടത്.
ഡബ്ല്യുടിസിയിലെ ഇതുവരെയുഌഅ ഇന്ത്യയുടെ പ്രകടനത്തെ ദ്രാവിഡ് പ്രശംസിച്ചു, നാട്ടിലും പുറത്തും ആറ് പരമ്പരകൾ കളിച്ചതിന് ശേഷം ഫൈനലിലേക്ക് യോഗ്യത നേടുക എന്നത് എളുപ്പമുള്ള കാര്യമല്ലെന്ന് അദ്ദേഹം പറഞ്ഞു. ഐ പി എൽ ഫൈനലും WTC ഫൈനലും തമ്മിൽ കുറച്ചു ദിവസങ്ങളേ ഉള്ളൂ എന്നത് ആശങ്ക നൽകുന്നുണ്ട്. എങ്കിലും അതിനായി ടീമിനെ ഒരുക്കാൻ ആകും എന്ന് അദ്ദേഹം പറഞ്ഞു.
