കോവിഡ് 19 വൈറസ് ബാധയെ തുടർന്ന് അനിശ്ചിത കാലത്തേക്ക് നീട്ടിവെച്ച ഈ വർഷം തന്നെ നടക്കുമെന്നാണ് പ്രതീക്ഷയെന്ന് മുൻ ഇന്ത്യൻ താരങ്ങളായ അനിൽ കുംബ്ലെയും വി.വി.എസ് ലക്ഷ്മണും. മത്സരങ്ങളുടെ ഷെഡ്യൂളിൽ മാറ്റങ്ങൾ വരുത്തി ഐ.പി.എൽ ഈ വർഷം തന്നെ നടത്താൻ കഴിയുമെന്നാണ് തന്റെ പ്രതീക്ഷയെന്നും അനിൽ കുംബ്ലെ പറഞ്ഞു. സ്റ്റാർ സ്പോർട്സിന്റെ ക്രിക്കറ്റ് കണക്റ്റ് പരിപാടിയിൽ സംസാരിക്കുകയായിരുന്നു ഇരു താരങ്ങളും.
3-4 സ്റ്റേഡിയങ്ങളിലേക്കായി മത്സരങ്ങൾ ചുരുക്കുകയും കാണികൾ ഇല്ലാതെ മത്സരം നടത്താൻ ശ്രമിക്കുകയും ചെയ്താൽ ഈ വർഷം തന്നെ ഐ.പി.എൽ നടത്താൻ കഴിയുമെന്ന് കുംബ്ലെ പറഞ്ഞു. ഐ.പി.എല്ലിലെ ടീമുകൾ എല്ലാം ചേർന്ന് യാത്രക്ക് എളുപ്പമായ ഒരു വേദി തിരഞ്ഞെടുത്തു കഴിഞ്ഞാൽ ഈ വർഷം തന്നെ ഐ.പി.എൽ നടത്താൻ കഴിയുമെന്ന് ലക്ഷ്മൺ പറഞ്ഞു. എയർപോർട്ടിൽ എന്താണ് സംഭവിക്കുന്നതെന്ന് പറയാൻ പറ്റില്ലെന്നും അതുകൊണ്ട് ഐ.പി.എൽ ടീമുകളും ബി.സി.സി.ഐയും ചേർന്ന് ഈ കാര്യത്തിൽ ഒരു തീരുമാനം എടുക്കുമെന്നാണ് കരുതുന്നതെന്നും ലക്ഷ്മൺ പറഞ്ഞു.
